ನೆಲ್ಲಿಕಾರು ಉಪಚುನಾವಣೆಗೆ ನಾಲ್ಕು ನಾಮಪತ್ರ

ನೆಲ್ಲಿಕಾರು ಗ್ರಾಮ ಪಂಚಾಯತ್ ತೆರವುಗೊಂಡ ಒಂದು ಕ್ಷೇತ್ರದಲ್ಲಿ ನ. 23 ರಂದು ನಡೆಯುವ ಉಪಚುನಾವಣೆಗೆ ನಾಲ್ಕು ನಾಮಪತ್ರ ಸಲ್ಲಿಕೆಯಾಗಿದೆ. ಹಿಂದುಳಿದ ವರ್ಗ ಬಿ ಮೀಸಲಾತಿ ಹೊಂದಿರುವ ಕ್ಷೇತ್ರದಲ್ಲಿ ಚಾರ್ಲ್ಸ್ ಸಾಂತ್ಮಯೋರ್, ರಾಜೇಶ್, ಸಂತೋಷ್, ಜಯರಾಜ್ ಹೆಗ್ಡೆ ನಾಮಪತ್ರ ಸಲ್ಲಿಸಿದ್ದಾರೆ.
ನ. 13 ನಾಳೆ ಪರಿಶೀಲನೆ ನಡೆಯಲಿದ್ದು, ನ. 15 ಹಿಂತೆಗೆದುಕೊಳ್ಳಲು ಕಡೆ ದಿನವಾಗಿದೆ. ಈರ್ವರ ನಾಮಪತ್ರ ವಾಪಾಸಾತಿಯಾಗುವ ಸಾಧ್ಯತೆ ಇದ್ದು, ನೇರ ಹಣಾಹಣಿ ನಡೆಯುವ ನಿರೀಕ್ಷೆ ಇದೆ. ಕುಮಾರೇಶ್ವರ ರಾಠೋಡ್ ಚುನಾವಣಾಧಿಕಾರಿಯಾಗಿ, ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಪ್ರಶಾಂತ್ ಶೆಟ್ಟಿ ಸಹಾಯಕ ಚುನಾವಣಾಧಿಕಾರಿಯಾಗಿದ್ದಾರೆ.