ಉಡುಪಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಯವರ ಆದೇಶದಂತೆ ಕಾರ್ಕಳ ಹೆಬ್ರಿ ತಾಲೂಕಿನಲ್ಲಿರುವ ಮೆಡಿಕಲ್ ಶಾಪ್‌ಗಳನ್ನು ಪೊಲೀಸರು ಅ.01 ರಂದು ಪರಿಶೀಲಿಸುತ್ತಿದ್ದಾರೆ.
ಇತೀಚಿನ ದಿನಗಳಲ್ಲಿ ನಡೆಯುತ್ತಿರುವ ಔಷಧ ಮಾರಾಟದ ಬಗ್ಗೆ ಪ್ರಕರಣಗಳು ವರದಿಯಾಗುತ್ತಿರುವುದು ಈ ಬಗ್ಗೆ ಉಡುಪಿ ಜಿಲ್ಲೆಯಾದ್ಯಂತ ಎಲ್ಲಾ ಮೆಡಿಕಲ್ ಶಾಪ್‌ಗಳನ್ನು ಪರಿಶೀಲಿಸುವಂತೆ ಠಾಣಾ ವ್ಯಾಪ್ತಿಗೆ ಬರುವ ಮೆಡಿಕಲ್ ಶಾಪ್‌ಗಳನ್ನು ಪರಿಶೀಲಿಸಿ ವರದಿ ನೀಡುವಂತೆ ಎಸ್‌ಪಿಯವರು ಆದೇಶಿಸಿದ್ದಾರೆ.
ಪೊಲೀಸರು ಮೆಡಿಕಲ್ ಶಾಪ್‌ಗೆ ತೆರಳಿ ಮೆಡಿಕಲ್‌ನ ಲೈಸೆನ್ಸ್ ಅವದಿ, ಸಿಸಿಟಿವಿ ಆಳವಡಿಕೆ, ಸಿಸಿಟಿವಿಯ ಸ್ಟೋರೇಜ್, ಸಿಸಿಟಿವಿಗಳ ಸಂಖ್ಯೆ ಹಾಗೂ ವೈದ್ಯರ ಚೀಟಿಯಿಲ್ಲದೆ ಮೆಡಿಸಿನ್‌ಗಳ ಮಾರಾಟವಾಗುತ್ತಿದೆಯೇ ಹಾಗೂ ಈ ಬಗ್ಗೆ ಮೆಡಿಕಲ್ ಶಾಪ್‌ನಲ್ಲಿ ನೋಟೀಸ್ ಅಳವಡಿಸಿದ್ದಾರೆಯೇ ಎಂಬ ಬಗ್ಗೆ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ.
ಇದರೊಂದಿಗೆ ಮೆಡಿಕಲ್ ಶಾಪ್‌ಗಳಲ್ಲಿ ಮಾದಕ ವಸ್ತುಗಳ ಮಾರಾಟ ನಡೆಯುತ್ತಿದೆಯೇ ಹಾಗೂ ಅವಧಿ ಮುಗಿದ ಮೆಡಿಸಿನ್‌ಗಳನ್ನು ಗ್ರಾಹಕರಿಗೆ ವಿತರಿಸುತ್ತಿದ್ದಾರೆಯೇ ಎಂಬ ಬಗ್ಗೆಯೂ ಮೆಡಿಕಲ್ ಶಾಪ್‌ನಲ್ಲಿ ಪರಿಶೀಲಿಸಿ ಮೆಡಿಕಲ್‌ನ ಮಾಲಕರಿಂದ ಮಾಹಿತಿಯನ್ನು ಪಡೆದುಕೊಂಡಿದ್ದಾರೆ.
