ಕಾರ್ಕಳ: ಬೆಂಗಳೂರಿನ ಕಂಠೀರವ ಕ್ರೀಡಾಂಗಣದಲ್ಲಿ ನಡೆದ ಕರ್ನಾಟಕ ರಾಜ್ಯ ಅಥ್ಲೆಟಿಕ್ಸ್ ಕೂಟದಲ್ಲಿ ನಿಟ್ಟೆ ಕ್ರೀಡಾಪಟುಗಳು ಸಾಧನೆಯನ್ನು ಮಾಡಿರುತ್ತಾರೆ.
ಎನ್‌ಎಂಎಎಂ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಚಿರಾಗ್ ಪೂಜಾರಿ 200 ಮೀ ವಿಭಾಗದಲ್ಲಿ ಚಿನ್ನದ ಪದಕ ಮತ್ತು 100 ಮೀಟರ್, ಅಂಡರ್ -20 ವಿಭಾಗದಲ್ಲಿ ಬೆಳ್ಳಿ ಪದಕ, ಸ್ಥುತಿ ಪಿ. ಶೆಟ್ಟಿ ಹೊಸ ದಾಖಲೆಯೊಂದಿಗೆ (20 ವರ್ಷದೊಳಗಿನವರ ವಿಭಾಗದಲ್ಲಿ) 100 ಮೀ ಮತ್ತು 200 ಮೀ ವಿಭಾಗದಲ್ಲಿ ಚಿನ್ನದ ಪದಕ ಹಾಗೂ ಸಿನಾನ್ – ಹೈಜಂಪ್, ಅಂಡರ್ -20 ವಿಭಾಗದಲ್ಲಿ ಚಿನ್ನದ ಪದಕಗಳಿಸಿರುತ್ತಾರೆ.
ಡಾ. ಎನ್‌ಎಸ್‌ಎಎಂ ಪ್ರಥಮ ದರ್ಜೆ ಕಾಲೇಜಿನ ರಾಘವೇಂದ್ರ ಆರ್. ನಾಯಕ್ 20 ವರ್ಷದೊಳಗಿನವರ ವಿಭಾಗದ ಜಾವೆಲಿನ್ ಎಸೆತದಲ್ಲಿ ಬೆಳ್ಳಿ ಪದಕ, ನಂದಿನಿ ಜಿ., 3000 ಮೀ, ಅಂಡರ್ -20 ವಿಭಾಗದಲ್ಲಿ ಬೆಳ್ಳಿ ಪದಕ ಹಾಗೂ ಸಮೃದ್ಧಿ 1500 ಮೀ ಮತ್ತು 800 ಮೀ, ಅಂಡರ್ -20 ವಿಭಾಗದಲ್ಲಿ ಕಂಚಿನ ಪದಕಗಳು ಪಡೆದಿರುತ್ತಾರೆ.
ಡಾ.ಎನ್.ಎಸ್.ಎ.ಎಂ ಪಿಯು ಕಾಲೇಜಿನ ರಶ್ಮಿತಾ ಗಣಪತಿ ದೇವಾಡಿಗ – ಹೈಜಂಪ್, 18 ವರ್ಷದೊಳಗಿನವರ ವಿಭಾಗದಲ್ಲಿ ಕಂಚಿನ ಪದಕ ಹಾಗೂ ಡಾ.ಎನ್.ಎಸ್.ಎ.ಎಂ ಕನ್ನಡ ಮಾಧ್ಯಮ ಶಾಲೆಯ ಪ್ರಣಾಮ್ – ಜಾವೆಲಿನ್ ಎಸೆತ, 16 ವರ್ಷದೊಳಗಿನವರ ವಿಭಾಗದಲ್ಲಿ ಚಿನ್ನದ ಪದಕ ಪಡೆದಿರುತ್ತಾರೆ.
