*ಒಂದೇ ತಿಂಗಳಲ್ಲಿ 3 ಕೋಟಿ ಡೆಪಾಸಿಟ್ ಪಡೆದ ಹೆಗ್ಗಳಿಕೆಗೆ ಪಾತ್ರವಾದ ಬೋಳ ವ್ಯವಸಾಯ ಸೇವಾ ಸಹಕಾರ ಸಂಘ*
*ಗ್ರಾಹಕ ಸದಸ್ಯರಿಗೆ ಕೃತಜ್ಞತೆ ಸಲ್ಲಿಸಿದ ಬೋಳ ವ್ಯವಸಾಯ ಸೇವಾ ಸಹಕಾರ ಸಂಘದ ಅಧ್ಯಕ್ಷ ಬೋಳ ಸದಾಶಿವ ಶೆಟ್ಟಿ*
ಬೋಳ ವ್ಯವಸಾಯ ಸೇವಾ ಸಹಕಾರಿ ಸಂಘವು ಒಂದೇ ತಿಂಗಳಲ್ಲಿ ರೂ. 3 ಕೋಟಿ ಡಿಪಾಸಿಟ್ ಹೊಂದುವ ಮೂಲಕ ಗ್ರಾಹಕರ ವಿಶ್ವಾಸ ಪಡೆದ ಗ್ರಾಮೀಣ ಸಹಕಾರ ಸಂಘ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಈ ಸಹಕಾರ ಸಂಘವು ಜುಲೈ 15 ರಿಂದ ಆಗಸ್ಟ್ 15 ರವರೆಗೆ ಠೇವಣಿ ಮಾಸ ಆಚರಣೆ ಮಾಡಿತ್ತು.
ಈ ಠೇವಣಿ ಮಾಸ ಆಚರಣೆಯ ಮೊದಲು 35 ಕೋಟಿ ಡೆಪಾಸಿಟ್ ನ್ನು ಹೊಂದಿತ್ತು. ಈ ಸಂಘವು ಸುಮಾರು 69 ವರ್ಷಗಳಿಂದ ವ್ಯವಹಾರ ಮಾಡುತ್ತ ಬಂದಿದೆ.
ಠೇವಣಿ ಮಾಸ ಆಚರಣೆಯ ಒಂದೇ ತಿಂಗಳಲ್ಲಿ ರೂ 3 ಕೋಟಿಯಷ್ಟು ದೊಡ್ಡ ಮೊತ್ತದ ಡಿಪಾಸಿಟ್ ನ್ನು ಈ ಸಂಘವು ಪಡೆಯುವಲ್ಲಿ ಯಶಸ್ಸು ಕಂಡಿದೆ.
2023 – 24 ನೇ ಸಾಲಿನಲ್ಲಿ 235 ಕೋಟಿ 51 ಲಕ್ಷ ವ್ಯವಹಾರ ಮಾಡಿ ಜಿಲ್ಲೆಯಲ್ಲಿ ಸಾಧನೆ ಮಾಡಿದ ಸಹಕಾರಿ ಸಂಘ ಎಂಬ ಹೆಗ್ಗಳಿಕೆಗೆ ಈ ಸಹಕಾರ ಸಂಘವು ಪಾತ್ರವಾಗಿದೆ.
ಈ ಸಹಕಾರ ಸಂಘದ ಅಧ್ಯಕ್ಷರಾದ ಬೋಳ ಸದಾಶಿವ ಶೆಟ್ಟಿಯವರ ನೇತೃತ್ವದಲ್ಲಿ ಈ ಸಹಕಾರ ಸಂಘವು ಯಶಸ್ಸಿನತ್ತ ಸಾಗುತ್ತಲಿದೆ.
ಈಗಾಗಲೇ ಈ ಸಹಕಾರ ಸಂಘವು ಹಲವಾರು ಶಾಖೆಗಳ ಮೂಲಕ ಜನರಿಗೆ ಸಹಕಾರಿ ಸೇವೆಯನ್ನು ನೀಡುತ್ತಾ ಬರುತ್ತಿದೆ.
ಮುಖ್ಯ ಕಾರ್ಯ ನಿರ್ವಹಣೆ ಅಧಿಕಾರಿ ದೀಪ ಶೆಟ್ಟಿ, ನಿರ್ದೇಶಕರು ಹಾಗೂ ಸಿಬ್ಬಂದಿಗಳ ಸಹಕಾರದಿಂದ ಸಾಧನೆ ಆಗುವ ನಿಟ್ಟಿನಲ್ಲಿ ಶ್ರಮಿಸಿದ್ದಾರೆ
