ಕಾರ್ಕಳ ಉಡುಪಿ ರಸ್ತೆಯ ಅಯ್ಯಪ್ಪ ನಗರದಲ್ಲಿ ಬೈಕ್ ಗೆ ಕಾರು ಡಿಕ್ಕಿಯಾಗಿ ನಡೆದ ಭೀಕರ ಅಪಘಾತದಲ್ಲಿ ಬೈಕ್ ಸವಾರರಿರ್ವರು ಸಾವನ್ನಪಿದ ಘಟನೆ ನಡೆದಿದೆ..
ಇಂದು ರಾತ್ರಿ 9ಗಂಟೆ ಸುಮಾರಿಗೆ ಉಡುಪಿ ಕಡೆಯಿಂದ ಕಾರ್ಕಳದ ಕಡೆಗೆ ಬರುತ್ತಿದ್ದ ಸುಜುಕಿ ಇಕೋ ಕಾರಿನ ಚಾಲಕ ಅತೀ ವೇಗ ಹಾಗೂ ಅಜಾಗರೂಕತೆಯಿಂದ ವಾಹನವನ್ನು ಚಲಾಯಿಸಿಕೊಂಡು ಬಂದು ಕಾರ್ಕಳದಿಂದ ಬೈಲೂರು ಕಡೆಗೆ ಹೋಗುತ್ತಿದ್ದ ಬೈಕಿಗೆ ವಿರುದ್ಧ ದಿಕ್ಕಿನಿಂದ ಬಂದು ಡಿಕ್ಕಿ ಹೊಡೆದಿದ್ದಾನೆ.
ಅಪಘಾತದ ರಭಸಕ್ಕೆ ಬೈಕ್ ಸಂಪೂರ್ಣವಾಗಿ ನಜ್ಜುಗುಜ್ಜಾಗಿದ್ದು ಬೈಕಿನ ಬಿಡಿಭಾಗಗಳು ಸಂಪೂರ್ಣ ಬೇರ್ಪಟ್ಟಿವೆ. ಯುವಕರು ಗೋವಿಂದೂರಿನ ಬುಕ್ಕಿಗುಡ್ಡೆ ನಿವಾಸಿಗಳಾದ ಶಿವಾನಂದ ಮತ್ತು ರಕ್ಷಿತ್ ಎಂದು ಗುರುತಿಸಲಾಗಿದೆ
