ಕಾರ್ಕಳ: ಬೆಂಗಳೂರಿನ ಸೆಂಟ್ರಲ್ ಮ್ಯಾನುಫ್ಯಾಕ್ಚರಿಂಗ್ ಟೆಕ್ನಾಲಜಿ ಇನ್ಸ್ಟಿಟ್ಯೂಟ್ (ಸಿಎಂಟಿಐ)ನಲ್ಲಿ ಇತ್ತೀಚೆಗೆ ನಡೆದ ಡಿಸೈನ್ ಅಂಡ್ ಇನ್ನೋವೇಶನ್ ಕ್ಲಿನಿಕ್ 2026 ಸ್ಪರ್ಧೆಯಲ್ಲಿ ನಿಟ್ಟೆ ಮಹಾಲಿಂಗ ಅಡ್ಯಂತಾಯ ಸ್ಮಾರಕ ತಾಂತ್ರಿಕ ಮಹಾವಿದ್ಯಾಲಯದ ವಿದ್ಯಾರ್ಥಿ ತಂಡವು ರನ್ನರ್-ಅಪ್ ಸ್ಥಾನವನ್ನು ತನ್ನದಾಗಿಸಿಕೊಂಡಿದೆ.
ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ 130 ತಂಡಗಳ ಪೈಕಿ 35 ತಂಡಗಳನ್ನು ಮಾತ್ರವಷ್ಟೇ ಮೂಲಮಾದರಿ ತಯಾರಿಕಾ ಹಂತಕ್ಕೆ ಶಾರ್ಟ್ ಲಿಸ್ಟ್ ಮಾಡಲಾಯಿತು.
ವಿದ್ಯಾರ್ಥಿಗಳಾದ ಪೂಜಾ ಆರ್ ಶೇಟ್, ಅಶ್ವಿನ್ ನಾಯಕ್, ಅನೀಶ್ ಪಿ ಮತ್ತು ಕ್ಲೈವ್ ಏಂಜೆಲೊ ಡಿಸೊಜಾ ನ್ನು ಒಳಗೊಂಡ ತಂಡವು ಸ್ಮಾರ್ಟ್ ಡ್ರೈನೇಜ್ ಮಾನಿಟರಿಂಗ್ ಸಿಸ್ಟಮ್ ನ್ನು ಅಭಿವೃದ್ಧಿಪಡಿಸಿ ರನ್ನರ್-ಅಪ್ ಸ್ಥಾನವನ್ನು ಪಡೆದುಕೊಂಡಿದೆ. ಇದು ರಿಯಲ್ ಟೈಮ್ ಮಾನಿಟರಿಂಗ್, ಕ್ಲೌಡ್ ಇಂಟಗ್ರೇಶನ್ ಮತ್ತು ಮೂರು ದಿನಗಳಲ್ಲಿ ಅತಿ ಕಡಿಮೆ ಖರ್ಚಿನಲ್ಲಿ ಅಭಿವೃದ್ಧಿಪಡಿಸಲಾದ ತಂತ್ರಜ್ಞಾನ ಎಂಬ ಪ್ರಶಂಸೆ ಪಡೆಯಿತು.
