ಕಾರ್ಕಳದ ಅನು ಫ್ಯೂಲ್ ಪೆಟ್ರೋಲ್ ಬಂಕ್ ನಲ್ಲಿ ಪೆಟ್ರೋಲ್ ಹಾಕಿ ಪರಾರಿ ಆದ ವಾಹನದ ಬಗ್ಗೆ ರೋಹಿತ್ ಮಿಯ್ಯಾರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ
ಕಾರ್ಕಳ ತಾಲೂಕು ಕಚೇರಿ ಬಳಿಯ ರೋಹಿತ್ ರವರ ಪೆಟ್ರೋಲ್ ಬಂಕ್ ನಲ್ಲಿ ದಿನಾಂಕ 29/08/2024 ರಂದು ಬೆಳಗಿನ ಜಾವ 2:50 ಗಂಟೆಗೆ ಆರೋಪಿ KA-20-ME-8212 ನೇ ನಂಬ್ರದ ಮಹೇಂದ್ರ ಎಕ್ಸ್ ಯು ವಿ 300 ನೇ ಕಾರಿಗೆ ಪೆಟ್ರೋಲ್ ಹಾಕಿಸಿಕೊಳ್ಳಲು ಬಂದಿದ್ದು ರೂಪಾಯಿ 4253.88/- ರೂಪಾಯಿ ಪೆಟ್ರೋಲ್ ಹಾಕಿಸಿಕೊಂಡ ಬಳಿಕ ಪೆಟ್ರೋಲ್ ಹಾಕಿಸಿದ ಆಕಾಶ್ ಇವರಲ್ಲಿ UPI ಸ್ಕ್ಯಾನರ್ ತರುವಂತೆ ಹೇಳಿದ್ದರು.
ಅವರು UPI ಸ್ಕ್ಯಾನರ್ ಅನ್ನು ತರಲು ಹೋದಾಗ ಆರೋಪಿಯು ಕಾರನ್ನು ಚಲಾಯಿಸಿಕೊಂಡು ಹೋಗಿ ಪೆಟ್ರೋಲ್ ಹಾಕಿದ ರೂಪಾಯಿ 4253.88/ ರೂಪಾಯಿ ಹಣವನ್ನು ನೀಡದೇ ಮೋಸ ಮಾಡಿ ಪರಾರಿ ಆಗಿದ್ದರು.
ಈ ಬಗ್ಗೆ ಕಾರ್ಕಳ ನಗರ ಪೊಲೀಸ್ ಠಾಣೆ ಅಪರಾಧ ಕ್ರಮಾಂಕ 169/2024 ಕಲಂ: 318(4) BNS ರಂತೆ ಪ್ರಕರಣ ದಾಖಲಾಗಿರುತ್ತದೆ.
ಈ ವಾಹನದ ಬಗ್ಗೆ ಮಾಹಿತಿ ಪತ್ತೆ ಆಗಿರುವುದಾಗಿ ತಿಳಿದು ಬಂದಿದೆ
