ಹೆಬ್ರಿ: ಆನ್ಲೈನ್ ವಂಚನೆಯಿಂದ ವ್ಯಕ್ತಿಯೋರ್ವರು ರೂ. 2,19,500 ಕಳೆದುಕೊಂಡ ಘಟನೆ ವರದಿಯಾಗಿದೆ.
ನಾಡ್ಪಾಲು ಗ್ರಾಮದ ರಮೇಶ (32) ಹಣ ಕಳೆದುಕೊಂಡವರು.
ರಮೇಶರವರಿಗೆ ಜ. 02ರಂದು ರವಿ ಕುಮಾರ್ ಎಸ್ ಎಂಬ ವ್ಯಕ್ತಿ ಪೋನ್ ಮಾಡಿ ಬಜಾಜ್ ಪೈನಾನ್ಸ್ನಿಂದ ಮಾತನಾಡುವುದು ನಾವು ಆನ್ಲೈನ್ನಲ್ಲಿ ಲೋನ್ ಕೋಡುತ್ತೇವೆ ಎಂದು ನಂಬಿಕೆ ಬರುವಂತೆ ಮಾತನಾಡಿ, ರಮೇಶರವರು ತನ್ನ ತಂಗಿ ಮದುವೆ ಇದ್ದು ಹಣದ ಅಗತ್ಯವಿದ್ದುದರಿಂದ ಬಡ್ಡಿ ಎಷ್ಟು ಎಂದು ಕೇಳಿದಾಗ 3 ಶೇಕಡಾ ಎಂದು ಹೇಳಿದ್ದು 5 ವರ್ಷಕ್ಕೆ ಪ್ರತಿ ತಿಂಗಳು 6289.00 ರೂ ಹಣ ಕಟ್ಟಲಿಕ್ಕೆ ಬರುತ್ತದೆ ಎಂಬುದಾಗಿ ನಂಬಿಸಿ, ಬೇರೆ ಬೇರೆ ಕಾರಣ ಹೇಳಿ ಜ. 02ರಿಂದ ಜ. 05ರವರೆಗೆ ಹಂತ ಹಂತವಾಗಿ ಒಟ್ಟು 36 ಟ್ರಾಜೆಂಕ್ಷನ್ ಮೂಲಕ ಒಟ್ಟು 2,19,500 ರೂ ಹಣವನ್ನು ಹಾಕಿಸಿಕೊಂಡಿರುತ್ತಾರೆ.
ಈ ಬಗ್ಗೆ ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
