ಹೆಬ್ರಿ: ಹೆಬ್ರಿಯ ಕೊಳಗುಡ್ಡೆ ಬಳಿ ಓಮ್ನಿ ಹಾಗೂ ಬೈಕ್ ಮದ್ಯೆ ಅಪಘಾತ ಸಂಭವಿಸಿ ಗಾಯಗೊಂಡಿದ್ದಾರೆ.
ಹೆಬ್ರಿ ಕಡೆಯಿಂದ ಬಿಳಿ ಬಣ್ಣದ ಓಮ್ನಿ ಕಾರು ಚಾಲಕನು ಹೆಬ್ರಿ ಕಡೆಯಿಂದ ಉಡುಪಿ ಕಡೆ ಹೋಗುವ ಎಡಭಾಗದ ರಸ್ತೆಯಲ್ಲಿ ಹೋಗುವ ಬದಲು ಉಡುಪಿ ಕಡೆಯಿಂದ ಬರುವ ರಸ್ತೆಯಲ್ಲಿ ರಾಂಗ್‌ಸೈಡ್‌ನಲ್ಲಿ ವಾಹನವನ್ನು ಚಲಾಯಿಸಿಕೊಂಡು ಬಂದು ಎದುರಿನಿಂದ ಉಡುಪಿ ಕಡೆಯಿಂದ ಬರುತ್ತಿದ್ದ ಮೋಟಾರ್‌ಸೈಕಲ್‌ನ್ನು ನೋಡಿ ಬ್ರೇಕ್ ಹಾಕಿದಾಗ ಓಮ್ನಿ ವಾಹನ ತಿರುಗಿ ಓಮ್ನಿ ವಾಹನದ ಹಿಂಭಾಗ ಮೋಟಾರ್ ಸೈಕಲ್‌ಗೆ ಡಿಕ್ಕಿ ಹೊಡೆದ ಪರಿಣಾಮ ಮೋಟಾರ್‌ಸೈಕಲ್ ಸವಾರ ಮೋಟಾರ್ ಸೈಕಲ್ ಸಮೇತ ರಸ್ತೆಗೆ ಬಿದ್ದು ಅಪಘಾತವಾಗಿದೆ.
ಓಮ್ನಿ KA-14-N-9257 ಆಗಿದ್ದು ಚಾಲಕನು ವಾಹನವನ್ನು ನಿಲ್ಲಿಸದೆ ಉಡುಪಿ ಕಡೆ ಚಲಾಯಿಸಿಕೊಂಡು ಪರಾರಿಯಾಗಿರುತ್ತಾನೆ. ಮೋಟಾರ್ ಸೈಕಲ್ ಸವಾರ ಹೆಬ್ರಿಯಲ್ಲಿ ಬಸ್ ಎಜೆಂಟ್ ಕೆಲಸ ಮಾಡುವ ಅರವಿಂದ ರವರು ಆಗಿದ್ದು ಅವರಿಗೆ ತಲೆಗೆ ಹಾಗೂ ಎದೆಗೆ ಗುದ್ದಿದ ಒಳಜಖಂ ಆಗಿದ್ದು ಹಾಗೂ ಎಡಕಾಲಿನ ಪಾದದ ಬಳಿ ರಕ್ತಗಾಯವಾಗಿ ಅವರು ಮಾತನಾಡುತ್ತಿರಲಿಲ್ಲ ಅವರು ಬಂದ ಮೋಟಾರ್‌ಸೈಕಲ್‌ನಂಬ್ರ: KA-20-EF-0581 ಆಗಿರುತ್ತದೆ ಕೂಡಲೇ ೧೦೮ ವಾಹನದಲ್ಲಿ ಅವರನ್ನು ಹೆಬ್ರಿ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕರೆದುಕೊಂಡು ಹೋಗಿ ಅಲ್ಲಿ ಚಿಕಿತ್ಸೆ ಕೊಡಿಸಿ ಹೆಚ್ಚಿನ ಚಿಕಿತ್ಸೆಗಾಗಿ ಮಣಿಪಾಲ ಕೆಎಂಸಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿರುತ್ತಾರೆ.
ಈ ಬಗ್ಗೆ ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
